Cerito Baso Dusun – Selo ngan Ema duo ughang bujang tanggung lalamo bekawan jak nyo beduo masiah keciak, nyo beduo ni lagi berencano pagi ndk njadi kulo, karno kakak Selo nyo tuo sekali ndk nika ke dusun ulu.
Selo ngiciak ngan Ema jangan nian nido datang pagi, “awas la Ema kb nido datang pagi putus nian persahabatan kito ni klo,” kato Selo ble ngancam.
Nengag Selo ngiciak luak itu Ema santai bae ble nido ngambiak pusing, ble jawab ngan santai o bae, “Wei aman la itu Selo, akap pagi sebelum kb jemput, aku la siap galo,” kato Ema.
Aghi la jam 10 malam, nyo beduo tu baliak ke gumah sesughangan karno aghi la malam pagi ndk bejalan akap.
*
Sampai di gumah kironya Ema belum tiduak ble main gim kudai, “ai main FF kudai e cak sekali duo gi budak plo aghini pai jam 10,” kato Ema sambil miring k Hp ble.
*********
Singkat cerito aghi la jam 6 akap, Selo la siap galo, ble la udm mandi la besiuak makai baju batik ngan celano dasar itam ble tambah k plo peci ngan kain sarung. “Ayai la ngalai dang nyo ndk betunakan klo gaya ku ni,” kato Selo sambil tetao.
Di gumah Ema ble kironya belum bangun aghi la jam 6 liwat, dagho kamar ble maju gak gelugur di tutus nduak o karno mangun k ble, “wei Ema bangun la aghi la siang uji ndk njadi kulo se kb ni,” kato mak ble.
Nengag mak ble ngiciak luak itu ble langsung tebangun, ble nginak aghi la jam 6 liwat, “asudah baghiah nian ngangat Selo ni klo,” kato Ema sambil ble bemumut nyalah k gim FF ble di malam.
*
“Assalamulaikum” cik mano Ema o cik, kato Selo sambil ngetuk gumah Ema dagho nyo la tebukak sepiak.
“Walaikumsalam” Wei kb Selo masuak kudai Ema pai bangun dio pulo bemalam-malam tduak adak ke luak Itua nendio” kato mak Ema bejijiah.
Nengag mak Ema ngiciak luak itu Selo bemumut, “ai kb Ema ai luak kenian ngiciak ku sampai la siap galo,” kato Selo bemumut dalam ati ble.
*
Singkat cerito nyo beduo tu la sampai di badah pesta jam 7 pas nanan, tapi Selo nido bemuni-muni ngan Ema jak di motor tadi nggut sampai ke dusun ulu ni.
“Yak Selo bemuni pulo kb ni bukan la bisu nendio,” kato Ema bemumut nyijiah i Selo
Nengag kiciakan Ema Selo langsung nyawab, “kato kb ku sampai kb la siap, ini main kulo la masuak galo kito beduo gi di luag ni,” kato Selo ngangat.
“Wei sabar kudai pai jam 7 aghini setengah 8 jemo mulai nika tu,” kato Ema mela diri ble, ble nido begani becerito amo ble kiro nyo main FF kudai di malam ble gegak Selo tambah berutuak.
***
Singkat cerito acara nika kakak Selo la udim, pengantin o la duduak besanding di pelaminan, Selo Ngan Ema lagi ngikut bebaris ndk makan perancisan.
Pas nyo beduo tu lagi makan, datang la setum itam padek mengkilau nyantak mato, pas jemo nyo tughun jak setum langsung di sambut nian ngan tuan gumah.
Nginak itu Ema langsung betanyo dengan Selo, “Sapo situ Selo tughun jak setum padek nian di sambut pulo kinak ku bukan artis situ,” Kato Ema karno ble nido nian keruan o.
Nengag kiciakan Ema Selo langsung nginak, “mo kato sanak ku tdi ado nendio jemo kayo ndk datang, ceritonyo ble tu pai baliak jak merantau ke Jepang, tanci ble tu cukup batan meli pulau kito ni saking banyak o mo cerito jemo,” Kato Selo sambil tetao tesembur galo nasi jak mulut ble.
Nengag cerito Selo Ema betanyo lagi, “yak ngenian Selo ala betanci ble tu a mo pulau kito ni pacak di bayiagi nyo galo,” kato Ema penasaran sambil ngenjuak Selo minum karno ble sedakan.
Singkat cerito acara la udm makan la udm plo duo ughang bujang tanggung itu langsung sepakat baliak ndulu.
Di pejalanan baliak Ema masiah bepikir, luak mano mo jemo kayo pai baliak merantai itu tadi meli pulau badah ble tinggal mbak kni, “Wei Selo kb nido tepikir luak mno mo ble tdi meli pulau kito ni nian di usir o po luak mano kito ni,” tanyoan nido masuak akal Ema ngan Selo.
Nengag tanyoan Ema Selo tetao ngakar, “kb nyo la gilo tu Ema mno plo ke ado jemo nyual k pulau ni mpuak ble betanci u,” kato Selo nyo masiah tetao sambil matak motor baliak.
Ema tinggal dediam bae nengag jawaban jak Selo, dalam ati ble ngiciak nyela nian pulo kato Selo tu mno pulo ke ado jemo nyual k pulau, kato Ema sambil ble ngelamun nginaki jalan baliak.
Tamat***
//Penulis: Rahmat//
